Kategoria Libra dhe Literaturë / Libra për fëmijë

Lloji i njoftimit: Shitet

Të jesh fëmijë është gjë e bukur.Shpesh fëmijët mendojnë, por nuk u japin dot përgjigje "të mençura" pyetjeve të tilla si:
Përse mami dhe babi shkojnë në punë? Përse kur ndodhemi në dyqanin e lodrave dhe i kërkojmë prindërve të na blejnë gjithçka na pëlqen, na kërkohet prej tyre që të zgjedhim? Përse ka lindur paraja dhe si duhet ta përdorim atë me mençuri? Përse janë kaq të rëndësishëm lekët dhe përse nuk mund të kemi sa dëshirojmë prej tyre? Përse nuk mund të kemi gjithçka duam?
Libri në fjalë është interesant dhe argëtues. Në faqet e këtij libri fëmijët do të mësojnë hap pas hapi të fshehtat dhe enigmat e jetës së vërtetë. Ne marrim vendime ekonomike çdo ditë: çfarë të blejmë, ku të punojmë ose të kalojmë kohën e lirë, çfarë të studiojmë. Të gjitha këto fëmijët do t'i mësojnë jo vetëm duke lexuar librin, por edhe nëpërmjet ilustrimeve interesantë dhe argëtues.
Nëpërmjet njohurive të marra fëmijët pasurojnë fjalorin, njohin më nga afër botën që i rrethon, zhvillojnë imaghinatën mbi shumë dukuri dhe koncepte ende të panjohura për ta, si edhe aftësohen për të qenë më të përgjegjshëm në vendimmarrjet e tyre të ardhshme.
Libri bazohet në dy parime didaktike: mësimin dhe vetëkontrollin e dijeve. Ky libër përmban gjithçka nevojitet për të zbuluar si të hedhësh hapat e duhur në botën e logjikës së ekonomisë.
Libri ndihmon fëmijët që jo vetëm t'u japin përgjigje pyetjeve të shumta, por të kalojnë këndshëm pasditet dhe fundjavat. Libri ndihmon prindërit që të përballen më thjeshtë me "tekat" e fëmijëve.
Libri rekomandohet si literaturë plotësuese për veprimtaritë jokurrikulare për nxënësit e klasave I - III, ndërkohë që për nxënësit e klasave IV - VI tashmë është domosdoshmëri.